Dros Gymru'n Gwlad: Hanes Sefydlu Plaid Genedlaethol Cymru

Arwel Vittle,

Cyfrol ddarllenadwy a phoblogaidd, eang ei hapȇl, sy'n adrodd hanes ffurfio Plaid Genedlaethol Cymru yn 1925, fel rhan o ganmlwyddiant sefydlu'r Blaid. Gosodir sefydlu'r Blaid Genedlaethol yng nghyd-destun yr oes - cyfnod y 1920au lle bu cryn newid yn sgil chwalu'r hen fyd ar ôl tanchwa'r Rhyfel Mawr, gan gyfleu'r bwrlwm a'r cyffro cymdeithasol a deallusol a roddodd fodolaeth i'r Blaid.

ISBN: 9781800997066

Pris: £14.99

Adran: Hanes, Hanes Cymru, Gwleidyddiaeth

Cyfrwng: Clawr Meddal

Iaith: Cymraeg

Nifer y tudalennau: 192

Broliant

Mudiad Modern i Oes Fodern

Creadigaeth pobl ifanc oedd sefydlu Plaid Genedlaethol Cymru yn haf 1925. Pobl fel H.R. Jones, Mai Roberts, Ambrose Bebb, D.J. Williams, Ifan Alwyn Owen, Lewis Valentine a Saunders Lewis.

Gwrthryfel oedd prif symbyliad y bobl ifanc hyn. Gwrthryfel yn erbyn Prydeindod a gwrthryfel yn erbyn yr hen ffordd o wneud pethau yng Nghymru.

Yn y gyfrol ddarllenadwy hon gosodir sefydlu'r Blaid yng nghyd-destun cyffro'r 1920au - cyfnod moderniaeth yn y celfyddydau a newid gwleidyddol mawr, o Ryfel Annibyniaeth Iwerddon i dwf sosialaeth a'r asgell dde eithafol yn Ewrop ac ym Mhrydain.

Adroddir sut yr aeth to newydd o genedlaetholwyr ati i geisio creu Cymru newydd - gwlad a fyddai'n ennill ei rhyddid gan ddilyn ôl troed cenhedloedd bychain eraill ac yn camu ar y llwyfan rhyngwladol.