Erthyglau
Protest yn yr Eisteddfod: Cyfrol sy'n dathlu'r frwydr dros ryddid a chydraddoldeb
Gan gyffwrdd ar bopeth o’r frwydr dros y Gymraeg i’r ymgyrch dros annibyniaeth, newid hinsawdd, #MeToo a Mae Bywydau Du yn Cyfri, Mae Dros Ryddid yn trafod rhai o’r pynciau mwyaf amserol sy’n wynebu ein cenedl heddiw. darllen mwy
Cyfrol i ddysgwyr yn agor y drws at gyfrol straeon byrion newydd
Mae un o lyfrau’r cyfres Amdani, cyfres arbennig ar gyfer dysgwyr pob lefel, wedi ysbrydoli cyfrol o straeon byrion newydd sbon ar gyfer lefel Mynediad. darllen mwy
Arwr Mabinogaidd i'r arddegau gan yr awdur Alun Davies
Mae’r awdur llyfrau ditectif Alun Davies wedi penderfynu mentro o fyd oedolion a throi at sgwennu nofel gyffrous newydd i’r arddegau. darllen mwy
Straeon byrion i ddysgwyr gan ddysgwyr
Yr wythnos hon cyhoeddir casgliad o 10 stori fer i ddysgwyr, gyda’r gyfrol yma hefyd wedi cael ei hysgrifennu gan ddysgwyr. Mae Y Daith (Y Lolfa) yn ddathliad o lwyddiant Cyfres Amdani, ei phoblogrwydd ymysg dysgwyr Cymraeg a’r awch am fwy o ddeunydd darllen cyfoes ac addas. darllen mwy
Diffyg straeon byrion cyfoes Cymraeg yn arwain at gyfrol newydd
Yr wythnos hon cyhoeddir cyfrol o saith stori fer gyfoes gan awdur newydd. Mae awdur straeon Stryd y Gwystlon, Jason Morgan, yn gobeithio y bydd ei gyfrol yn cyfrannu at yr hyn mae’n ei weld fel diffyg cyfrolau straeon byrion mewn llenyddiaeth sydd wedi bod yn adnabyddus am ei chyfoeth yn y ffurf honno. darllen mwy
Y nofel Gymraeg fwyaf erioed yn cael ei ailargraffu
Yn fwy na 500 tudalen a bron i chwarter miliwn o eiriau, mae’r nofel Gymraeg fwyaf erioed – epig uchelgeisiol Jerry Hunter am hanes Cymry America – Ynys Fadog, yn cael ei hail-argraffu. darllen mwy
Tywyllwch, meddyginiaethau gwerin a hud hen chwedlau'n ysbrydoli nofel
Mae’r awdures Heiddwen Tomos yn hen law ar ddelio gyda themâu tywyll gyda hiwmor yn ei nofelau. Yr wythnos yma cyhoeddir ei nofel newydd – I’r Hen Blant Bach (Y Lolfa) sy’n plethu themâu dwys, gyda hiwmor ac elfennau o hud hen chwedlau Cymreig yn ogystal â hen ryseitiau o feddyginiaethau gwerin. darllen mwy
Llyfr lliwio newydd Boc - y ddraig fach sy'n mynd o nerth i nerth!
Mae Boc yn ôl, y ddraig fach goch a ddaeth i boblogrwydd yng nghylchgrawn Mellten – a’r tro yma, mae modd i blant liwio eu hanturiaethau eu hunain! darllen mwy
Llwyddiant llenyddiaeth Gymraeg arbrofol - ailargraffu Ebargofiant
Pan gyhoeddwyd Ebargofiant gan Jerry Hunter yn 2014, roedd yr arddull yn arbrawf lenyddol na welwyd ei debyg erioed yn y Gymraeg. Ond er bod yr arddull yn gwbl newydd, mae’r nofel wedi gwerthu allan ers dros flwyddyn ac erbyn hyn wedi cael ei hailargraffu. darllen mwy
Mistar Urdd yn dod yn fyw rhwng cloriau llyfr i ddathlu canrif o'r Urdd!
Gyda’r Urdd yn dathlu canmlwyddiant yn 2022, mae’n anodd credu nad oes gan Mistar Urdd lyfr yn dweud ei hanes – tan nawr! Mae Anturiaethau Mistar Urdd gan Mared Llwyd wedi’i hanelu at blant 7 i 10 oed. Mae’r Lolfa yn cydweithio gyda’r Urdd i wireddu’r syniad o ledaenu beth mae’r Urdd yn ei wneud ac yn ei gynnig fel mudiad ieuenctid. Mae’r nofel graffeg yn cynnwys tair stori ar ffurf cartwnau ac mae’r lluniau gan Sioned Medi Evans. darllen mwy
Stori sy'n plethu dirgelwch gyda'r argyfwng hinsawdd wedi'i leoli yn ardal Eisteddfod 2022
Gyda miloedd o eisteddfodwyr yn heidio i ardal Tregaron ddechrau mis Awst eleni bydd cyfle i bobl gerdded llwybrau Gwarchodfa Natur Genedlaethol Cors Caron, lleoliad stori ddirgelwch newydd sbon gan Meleri Wyn James. Mae Cors Caron wedi ei hysbrydoli gan y gors hudol yn Nhregaron ac wedi’i hanelu at yr arddegau cynnar. darllen mwy
Cymeriad unigryw o Geredigion yn ganolbwynt llyfr newydd i blant gan Valériane Leblond
Mae’r arlunydd a dylunydd adnabyddus Valériane Leblond wedi darlunio llyfr i blant am wraig anghyffredin iawn – Siani Pob Man (Y Lolfa). Morfudd Bevan sydd wedi ysgrifennu’r testun am y cymeriad go iawn Siani Pob Man, oedd yn byw mewn bwthyn bach ar draeth Cei Bach, ger Aberaeron yn y 19fed ganrif. darllen mwy
“Mae gobaith yn tyfu pan rwyt ti’n credu yn yr amhosib” – nofel gyntaf Caryl Lewis i’r arddegau cynnar
Nofel ddoniol, anghyffredin, sy’n ysbrydoli a hefyd yn codi pynciau dwys, mae Hedyn yn stori am wireddu breuddwydion. darllen mwy
Cyfrol yn dadlennu gwybodaeth newydd am enw ac arweinydd cyntaf Merched Becca
Er bod sawl cyfrol Saesneg o safon wedi eu cyhoeddi ar helynt y Becca, dim ond un gyfrol fer yn y Gymraeg oedd ar gael – tan nawr. Mae Ar Drywydd Twm Carnabwth – Hanes Dechrau Gwrthryfel Becca yn gofnod dadlennol ac astudiaeth fanwl o fywyd Thomas Rees (Twm Carnabwth), am y dylanwadau fu arno, am hanes a naws y fro, ac am yr holl anghyfiawnderau a’r tlodi a arweiniodd at y terfysgoedd yng nghanol y 19eg ganrif. darllen mwy
| 141-160 o 538 | 1 . . . 7 8 9 . . . 27 | |
| Cyntaf < > Olaf |
