"Oedden nhw'n deud wrthai fod gen i ganser yn fy mron? Bloody Hell. Fi? Canser? Heulwen Haf, cyflwynydd teledu, actores ac eicon ffasiwn. 'Nol o'r ysbyty ac yn trio gwneud synnwyr o'r newyddion syfrdanol. Roedd hi'n 63 oed, yn sengl ac yn rhydd o gyfrifoldebau, yn byw ar ei phen ei hun gyda Seren, y ci a nawr roedd ganddi ganser y fron a hwnnw'n ganser anarferol ac ymosodol. "Cadw at y cadarnhaol", meddai wrthi'i hun. A dyna a wnaeth wrth wynebu taith hir o driniaethau confensiynol a meddyginiaethau amgen. Cafodd y daith honno ei rhannu mewn dwy raglen ddogfen onest a chignoeth ar S4C ac yma, am y tro cyntaf, mae'n datgelu ei stori yn ei geiriau ei hun o'i magwraeth yng Nghorwen, yn ferch i gigydd, i'w charwriaethau, ei gyrfa hir gydag S4C a'r modd y daeth ei derwrder wrth wynebu canser a'i diddordeb mewn iachau amgen yn ysbrydoliaeth i eraill.
